म्हे तो रे मनावां म्हारी आशापुरा ए माय, जगदम्बा ए माय,सिंवरे जणों रे बेले आवजो ए मा॥
पेलो रे अवतार माजी मोडीगढ रे मांय,
जूनागढ केवीजे माता जोगणी ओ जे॥
जूनागढ केवीजे माता जोगणी ओ जे॥
बीजो रे अवतार माजी चोटीला रे मांय,
गाजण मां केवीजे माता जोगणी ओ जे॥
गाजण मां केवीजे माता जोगणी ओ जे॥
तीजो रे अवतार माता चोथर माता आप,
चोथो रे आशापुरीजी जोगणी ओ जे॥
चोथो रे आशापुरीजी जोगणी ओ जे॥
म्हे तो रे मनावां म्हारी आशापुरा हे मां,
सिंवरे जणांरे बेले आवजो हे मां॥
सिंवरे जणांरे बेले आवजो हे मां॥
थांने तो मनावे माता नवकोटी मारवाड,
थांने रे मनावे मीठो माळवो ओ जे॥
थांने रे मनावे मीठो माळवो ओ जे॥
थांने तो मनावे माता सोनगरा जालोर,
थांने तो मनावे सिरोही रा देवडा ओ जे॥
थांने तो मनावे सिरोही रा देवडा ओ जे॥
थाने तो मनावे माता नाडोले रा लोग,
थांने तो मनावे बोमण वांणीया ओ जे॥
थांने तो मनावे बोमण वांणीया ओ जे॥
लाखणजी आया रे ए तो चोथर मां रे द्वार,
सोना रे हिन्डोळे माजी हिंचता ओ जे॥
सोना रे हिन्डोळे माजी हिंचता ओ जे॥
लळे रे लळे ने लाखण करे नमस्कार,
शरणो मे राखोनी माता जोगणी ओ जे॥
शरणो मे राखोनी माता जोगणी ओ जे॥
अन रे धन रा माता भरीया रे भंडार,
पेट नी आयो रे माता दिकरो ओ जे॥
पेट नी आयो रे माता दिकरो ओ जे॥
माजी रे केवे रे देखो लाखणजी ने वात,
एक रे सन्देशो लाखण सांभळो ओ जे॥
एक रे सन्देशो लाखण सांभळो ओ जे॥
थे रो रे जाजो रे लाखण नाडोले रे मांय,
आशा तो पुरावे आशापुरी जोगणी ओ जे॥
आशा तो पुरावे आशापुरी जोगणी ओ जे॥
म्हे तो रे मनावां म्हारी आशापुरा हे मां,
सिंवरे जणांरे बेले आवजो हे मां॥
सिंवरे जणांरे बेले आवजो हे मां॥
थांने तो मनावे माता नवकोटी मारवाड,
थांने रे मनावे मीठो माळवो ओ जे॥
थांने रे मनावे मीठो माळवो ओ जे॥
थांने तो मनावे माता सोनगरा जालोर,
थांने तो मनावे सिरोही रा देवडा ओ जे॥
थांने तो मनावे सिरोही रा देवडा ओ जे॥
कोई टिप्पणी नहीं:
एक टिप्पणी भेजें